پلورهڤارانه زهرینهکۆ ههورامانی ئینجاره سهرچهمهو زهڵمیهنه هۆرێسته
ئێژانه و کێشانه کهردهی فیستیڤاڵوو ههورامانی
وهڵێ گرد چێویهنه ئهرکو سهر شانیش مزانو که دهس وهشی کهروونه و سپاس واچونه ئهرهنیهراو بهڕاوبهراو فیستیڤاڵوو ههورامانی و پنهزانای وێم وهراوهر پا ههسته پاکا ، ئا گرد ئهندیشه بهرزا و ئاوهزه ئارینهرا بهروزوونه . ئا زاته گۆرێ که جه ئهوهڵو ههرمانهکێ تاکو به ئاخرش به واشێوێ ئهوهکریا و لچ به خوهڤه مێمانداری ئێمهشا کهردهنو جه بهرزتهرین ئاستو وێشهنه چنی ئێمه بیێنێ .
یاوگهو ئی نویسیاریه شی ئهوهکهردهی و ڤشکنای سوچه و سوچو فیستیڤاڵوو ههورامانین ، پهی بهرڤستهی کهم و کۆرتیهکا و نیشاندای خاڵه بهرزهکاش پهی بهردهڕاوهی خاستهرو ڕێک و پێک ئهرهنیای مهیدانی دماتهر . بهڵام سهر جه گرد چێوی پهی ئانهیه که ئێژانه و کێشانه کهردهی ئی دهسکهوتیه به ئاکامێوی درۆس بهربهی و یاوگهو ئی نویسیاریه بهربارۆ ؛ مشیۆم حهر جه ئهڤهڵهڤه پرسیارێوه که ئینا وهرهنه و گاههز پرسیارۆ ههزاران کهسێوی بۆ که به جۆرێو چا فیستیڤاڵهنه بهشداریشا کهردهن یا دیهنشا و حهر پاسنه متاڤمێ واچمێ پرسیارێوه بنهڕهتیه و قوڵنه داواچ دریۆوه :
یاوگه (مهبهست) و ئهرهنیهراو فیستیڤاڵی چێش بیهن و تا چ ئاستێو یاواینێ به یاوگه و وێشا ؟
به پهیلوا و ڕاوینو نویسهرو ئی دێرا داواچو ئی پرسیارێ بڕیۆره پی خاڵێ واریه :
1) ئهژناسنای فهرههنگ و فولکلۆرو خهڵکوو ههورامانی ( ئهدهبیات ، شێوهو ژیوای پێسنه زهماوند کهردهی و تازیه گێرتهی و ...)
2) نیشاندای هێز و قۆرهت و چهنیهتی دهسهڵاتداری سان و خانوو ههورامانی .
3) دهسکرده تایبهتیهکێ مهحاڵو ههورامانی پێسنه کڵاشی ، جاجمی ، مهوجه و ...
با حهر جه بنهڕاو پێسنه دهس پنهکهردێوی به باسهکهی پهی ئانیشا که چاگهنه بیێنێ دوهجار و پهی ئانیشا که چاگهنه نهبیێنێ گۆشێو جه گلێرگاو مهراسمهکهی ڕۆشن کهرمێوه و سهرشهنه بلمێ . ڕۆی دیاری کریابه سهربهرزی شانازیێوی فره جه بنارو شاخه بهرزهکاو ئهحمهدئاوای لا وهرکهشو تافه بهههشتیهکهو براڵهو بڵیهنه ؛ سهرچهمهو زهڵمی ئازیزی که هاژهو ئاوهکێش تێکهڵ به دهنگوو پهلهوهره نهخشینهکاشو ههناسۆ گڵوهزه بێگهردهکۆ تاقه بۆڵبۆلهکهو ههورامانی بیهبێ و جه سهمفۆنیه ئهژناسیاکهو بێتهۆڤێنی وهشتهر ئهی به گۆش به سهرمهستیو سهروهشیێوی فرهوه دلێ قهرهباڵخوو ئا گرده دهنگوو ڕهنگانه !!! پهی گلێرگاو فیستیڤاڵهکهی کهوتیمێ ڕا . یهکهمین وهرچهم ڤینای پلاکاردێوی بێ که مۆبارهکوو وهشتهر جه دیهی تابڵۆ کاوهترهکاو پیکاسۆی بێو سهرشهوه پێسنه نویسیا بێ : ههورامان کۆردستانه و ههورامیچ بنچینهی زمانی کۆردیه .
پانهوهکهردهی گۆنکاو سهرو پنێ و بۆ پهتهی نانێ تازێ بهردیمێشهوه پهی ههرزهلۆ نان پهتهو
ئهوساو هۆبه و ههوار و هۆرامانی.ئاسنگهرو سکهڵه گهشهکهش چنی دهسکهردهکاو دهستیش بهرذانیشه وه زارۆڵهییم و بهحهسرهت تهماشاو کۆره خانوو بابا خهلیفهیو گهره کم بێ چا دهسکهرداشه دارێوه گێرو دهسمهوه و ۆهره گێرونه پهی ڤهرو لاسێ که دهنگو بادهباده و وهیو ئاردهی بهردانیشهوه پهی دلێ دنیاو ههزار ساڵهو زهماوهندۆ هۆرامانی.
خهمێم بێ سهرخیڵو ناسک خهێاڵا و ئهراگێڵو( ئاشق)عهنبهر خاتونێو ، نیشاتێو ، ریونێ، و000 چاگهنه،نهبانێو ئی گردو وهشهسیاویه وبهگا ئامای ئاواتو دڵیه حهرام گێڵونه که ناکاو : گۆشهی سیاماڵ هۆرداوه دیاوه ؛ چهمم کهوت به یانهو مهلهوی،بێسارانی و سهیدی. هێزم دانه پاو هانیم دانه دڵو لوانێنه دلێ ێو ێو جه ههیوانهکاو ئا زاته بهرزا و سهرمهس ههمدهنگو کرکهیشا بیانێو چنی خهمیشا خهمم وارد :
ئهسڵی من خهمهن ،جه خهم بیهنان بابۆی من خهمهن ، خهمان دیهنان
چنی شادیشا گهش بیاوه :
ئهی دڵ ، مزگانی ، ئاما کۆچی یار شای شادی سهردا ، خهمان کهرد فیرار
و وچنی ئهشقیشا ئهراگێڵیم کهرد :
دڵ گیرۆدهی دام ، زۆڵفی تۆ کهردم پهی خاڵت جه ماڵ دۆنیا ویهردم
سهر نیام نه ڕات ، پام کهردهن جه سهر ڕای بادهی ئهشقی تۆم گرتهن نه وهر
بهڵام هێشتای مانیای ڕای پامهنه بهرنهشیهبێ و وهنوزهم نهکهردێبێ و تۆشهبهرۆ دڵیم نهکهردێبێوه که دهنگوو شیوهنو گرهوههۆڕێ ئاردانێهوه بهر . گهرهکم بێ بلو شۆنۆ تهرمهکهیره که کتوپرێوهنه چڵهکیانێهره و هایم بیهوه و به ویم واتم ؛ئای چ وهش بێ نهمهرداو سوچێوی گۆلاله جه فهرههنگو و وهڵاتهکهیم ئهوهکریاوه و زینده و ڕێک وپێک واچیاوه به من . تۆ ۆاتت بلمێ،من ڤاتم نانا ههڵای مهنهنما با سهرێو کێشمێ یانهو سانهکا جافرسان،مهحموودخانو دزڵیێ و000
مهگهر کریۆنه ئا کهسایهتیه بهرزا فهراموش کهڕمێنهو جه ویرما پشاوه؟پایما هۆرگێرتێ وخهڵکهکهما داوه لاو و شۆنۆ کهمێو ڕارهلوای وهستیمێ سهرو سهکۆیویو لوایمێنه ههیوانهکۆ جافرسانی ودلێ قهرهوڵو ئیشکچیهکاشهنه لوایمێ حزورش . حهر دلێ بهرهینه وشک ومات مهنیمێره ، ئا سانه گهۆره به دهنگێوی قۆرس ، به دهنگێوی پتهڤو گڕدار که شایانو وێش بێ به ئێمه واتش؛چکۆوه مهیدێو چێش مزاندێ؟ئێمهیچێ ۆاتما هۆرامانهوه ئاماینمێ ، بهڵام حهیف چێۆێوما پنه نیا !! تهنانهت زوانهکهیچما ویرماشیهنهوه !! مهزانمێ ئیسه بنویسمێش پهنه!
وانهری وهشهسیاو ئهگهر به وردی و خاس خاس ئی بابهتوو سهریشه وانابۆوه ، به تاقێق بهرکۆتهن پهیش که داواچوو پرسیاره بنهرهتیهکێما به ڕاس بهرشیهنوو ئهرهنیهرێ فیستیڤاڵهکهی یاواینێ یاوگهو دیاری کریاو وێشا .
(2)
دڤێ یهرێ ڕۆی شۆنۆ تهمامیای فیستیڤاڵهکهی جه ڕۆجنامهو " ڕۆژنامه " یهنه برێو به نامهو ڕۆجنامهوانی بهڵام جه ئهسڵهنه قهڵم هۆرگێرێ دڤێ پێسنه وێشا بابهتێوشا جهبارهو ئی ڕهوتیهره نویسته بێ سهرهنج هۆرگێر بێ . وهڵێ گرد چێویهنه به حۆرمهت نیای پهی ههر قهڵهم بهدهسێوی و سهره نامنای پهی ئهرکوو نویستهی و شارهزا و پهسهند کهردهی ئینهیه که ههر نویسهرێو ڕاوینی تایبهتو جیاوازش پهی نویستهی وێش ههن و حهر چا ڕێکایهنه منویسۆنه ، بهڵام مهبۆ جه نویستهی وێشهنه جه ڕاسی و ڕێکایی نویستهی لا دۆنهو لایهنێو بهرز کهرۆوه و تاقمێو نزمنۆره . پێسنه ئیشاره به خاڵێوێ ئهگهر ڕهخنهکاو کاکه نهبهزی سهرو ئانهیهره که ماچۆنه چاگهنه خوانێ تایبهتێشا پهی بهرپرسهکا یاواینێره ؛ پهسهند کهرمێ ، ( حهر چن که چامنه نیاو پهی گردیما یۆ بیهنوو به یهک شێوه ) دیسان به پهیلواو من جه ئهرزهشوو قهدرو ئا فیستیڤاڵیه حیچ کهم مهبۆوه . چونکهتی ئهگهر گردو داواچهکاما که وهڵێنه باسما کهردێ به ڕاس بهرنهشیێبا ، جه ئاستێوی بهرزهنه ئاماینێ مهیدانو لانی کهم پهی ئهژناسنای فهرههنگو ههورامانی لا خهڵکانێوتهریهوه ، ئاشنا بیهی ئا کهسانا که پهی گیروگرفتو تهنگووچهڵمهکاو ههورامانی کهمتهر خهمێ نیهنێ چنی ههنترینی و ... سهرسود بیهن و به ئاکام یاوان .
یۆتهر چا سهمهرا که فیستیڤاڵی بیهنشو جه پهراوێزهنهو فرهتهر دهوروبهرهنه باس کریان نویستهی به زوانی ئهدایی بیهن . ئهگهر کاکه نهبهز حهر پاسنه که وێش واتهن ؛ وێش جه گردوو ههورامیهکا ههورامیتهر مزانۆ !!!! چهنی بیهن که جه بنهرهتی تهرین فاکتو ههورامی بیهی وێش یانێو زوانی ههورامی دهسش کێشانو به زوانی ئهدائی مهنویسۆ و تهنانهت ڕهخنه جه فیستیڤاڵو ههورامانیش پا زوانه نهنویستهن که فیستیڤاڵو ههورامانی پهی زیندهوهکهردهیش گیریان . دمایین قسهم پێسنه ڕهخنێوی و پیشنیارێوی و حهر پاسنه جه ڕێکائیو لاپلای فهرههنگو ههورامانی و ههمیهتو پارێزنای ژیوگای جه گرد یاگێوهو ئی وهڵاتیهنه ماچونه :
چ خاس بێ ئهگهر ئهرهنیهرێ فیستیڤاڵکهی پهی پارێزنای ژیوگاو سهرچهمهو زهڵمی و ئهحمهدئاوای به وردی و گردو ههورامانی به گردی لهق یا بهشوو پارێزنای ژیوگایشا وهش کهردهیا تا ئا شپرزیهو تا ئا شهخهڵا که چانه دیما ، وهرچهم نهبیایا ؛ یاگۆ بریهمهو پوونهو ئا گردو گیواوا که قهراخوو هانهچهمهکاو ههورامانیهنه ههنێ . حهر کام چا قتوه پلاستیکیا ، ئالۆمینیۆم و ئاسنیه که کهوتێنێنه دلێ ئاوێ یام فڕتهدریهینێنه ژیوگای تا نزیک به پهنج سهده ماناوه و ئاوی پیسه کهرا ، وهرچهموو ئاوێ خرابنا و به بۆنهو ئا تهرکیبه شیمیایا که جه وهشکهردهیشانه به کار لوان گیانداره ئاویهکا و زهمینیهکا جه جانهوهرو گیواو ڤزانه خهتهر . پهس با به دهسوورو مۆچیاریهکاو ههورامانی قهدیمی کهرمێ و پارێزنای ژیوگای یۆ جه ئهرکه سهرهکیهکاما بزانمێ .
کوورش ئهمینی
