وهڵاتی خهمبار
چ خه مگین خا کێو
چ ماتهم دهگا
یاگۆ وارانی ههر خهم و مهینهت وارۆره دهگا
بانهکێ ئێتر ههرگیز مهناویا
به ههژگێ ئێتر ههرزهلهکێما وهشێ مهکریا
وهزهنه خاپوور
شۆقهکهی قهدیم نهمهنهن جهلاش
سهرچهمه بێدهنگ بهرهنۆ خهمبار
دهربهن چۆڵ بیهن شهمشی تازیهبار
"کهلوو چنارهی ههتاره سهرکاو
ههوری خهم گێرتهن مهوارۆ تاوتاو"
جه قهدیم ئهوسا
ئاساوو سانیش کهرێنه هاردێ
خهلهو دهگاکا
سووره چنارهکهش کێ جه بێخ کهنشا
وێرهگا وهختان پهڕ بێ جیکه جیک
پهر بێ جه مریچڵێ
واتشا با برمێش
تا مهخڵۆق فرهتهر ڕێسکێ بینۆوه
تا چو دنیانه
سووره چنار چێشا
زهیتوون و تووبا
وهروو بهرهیشا
سهوزێ با برسا
دهربهن و چیاش
جه زۆڵمی دهوران
یاگه مهزاروو ههساره سووران
ئادی خاس ویرشا
که جهنگ گیسیانه
دهورش چۆڵ بیه بێ
مهنهبێ وێش تاق
ههڵموو ههناسهو شیمیاییش چهشا
چنوورش وشک بی بهرزوو حۆت کهشا
تهقهش ونه کریا
ئهو داروو درهخت
ئهو تهوهن دیوار
ئهو جهستهی مانیاش
تا جهرگش دڕیا
ههر چن مارۆنه یی خهیاڵا ویر
گرد جارێو ماچۆ :
"ناشی سهیاد بێ سڵهمناش نهچیر"
منیچ ماچوونه :
داخۆم ڕێو بهینه
جه کاوۆ زارا تا هانهو مۆڵێ
سووره ههراڵه ههر چی ههن گردی گێروونه کۆڵێ
ههر کهسی بیاوو
چڵێوش دهو پنه
و
پهی ئاوهدانی
پهی وهشهسیاوی
پهی گرد چێوی پاک
هۆر کهروو قۆڵێ
